Cancer (Kataka Lagnaya)

කටක ලග්න ඔබට අද දවස (Kataka rasi dawase palapala) - Today's Cancer Horoscope

ක්‍රියාශීලි ගති පෙන්නුම් කරන අද දවසේ වැඩිහිටියන් කෙරෙහි ඇති ගෞරවය වැඩි වේ. රහසේ සතුරන් ඇති විය හැකි බැවින් කල්පනාකාරී වන්න. ප්‍රියසම්භාෂණ ආදියට ආරාධනා ලැබේ. අධ්‍යාපන කටයුතුවලින් බලාපොරොත්තු ප්‍රතිඵල ළඟා කරයි. දවස සුභ කර ගන්න කහ සුදු වස්ත්‍රාභරණයෙන් සැරසෙන්න.

ජය වර්ණය – ක්‍රීම් පාට, ජය අංකය – 02 

කටක ලග්න ඔබට මේ සතිය (Kataka lagnaya sathiye palapala) - Cancer Weekly Horoscope

පෙබරවාරි 23 සිට පෙබරවාරි 29 වනදා තෙක් සතියේ පලාපල

දියුණුවට සුවිශේෂී අවස්ථා උදාවන වාසනාවන්ත සතියකි. බාහිර ක්‍රියාකාරකම් සඳහා ඔබ වැඩි අවධානයක් මේ සතියේදී යොමු කිරීම නිසා ඔබේ ඉගෙනුම් කටයුතු මඟ හැරී යා හැකි බැවින් ඒ ගැන අවධානය යොමු කරන්න. රැකියා කටයුතු සම්බන්ධයෙන් ඔබගේ සිතෙහි වන විශේෂ බලාපොරොත්තු කිහිපයක්ම ඉටු කරගැනීමට මෙම කාලය තුළ ඔබ සමත් වනු ඇත. සුදුසු වයසේ සිටින අය හට ආදර සම්බන්ධතා ඇති වීමේ ප්‍රවණතාව මේ සතියේ තිබෙන නිසා එවැනි අරමුණු ඔබ සතු වුයේ නම් ඒවා ඉෂ්ට කරගැනීමට ඔබට හැක. මෙම සතිය දුර බැහැර ගමන් බිමන් සඳහා බලපැවැත්වෙන අතර විදෙස්ගත වීම උදෙසා උත්සාහ කරන අයගේ එවැනි අංශයේ බලාපොරොත්තු ද ඉටු කරගැනීමට හැකි වනු ඇත. අධික රුධිර පීඩනය වැනි රෝග පවතින අය තම ශරීර සෞඛ්‍ය ගැන වැඩි සැලකිල්ලක් දැක්වීම වැදගත්.

ජය අංකය : 9
ජය වර්ණය : සුදු

කටක ලග්න ඔබට මේ මාසය (Kataka lagnaya masaye palapala) - Cancer Monthly Horoscope

ඔබගේ ඉගෙනුම් හැකියාවන් සහ දක්ෂතාවන්ට මෙම කාලයේදී නිසි ඇඟයීම හිමි වීම නිසා අධ්‍යයන කටයුතුවල නිරතවන සිසු සිසුවියන් හට සැලකිය යුතු ප්‍රගතියක් උදා කරගත හැකි වේ.

රැකියා කටයුතු සම්බන්ධයෙන් විශේෂ දියුණුවක් උදා කරන මෙම මාසයේදී නව රැකියා බලාපොරොත්තු ඔබේ සිතෙහි වුයේ නම් ඒවාද ඉටු කරගන්නට ඔබට හැකි වේ. මෙම සතියේ දී ඔබගේ මුදල් පසුම්බිය වැනි වටිනා කියන බඩු භාණ්ඩ පිළිබඳව වැඩි සැලකිල්ලක් දක්වා ඒවා ආරක්ෂා කරගනිමින් කටයුතු කිරීමට වග බලාගන්න.

විවාහ වීමේ බලාපොරොත්තුව ඇතිව සිටින අයට තම විවාහ මංගල උත්සවයේ කටයුතු සංවිධානය කිරීමට මෙම මාසයේ මුල් දින කිහිපය වඩාත් යෝග්‍ය වේ. වැටීම්, තැලීම්, තුවාල වීම්වලට ඔබව ලක් විය හැකි බැවින් ඒ ගැන සැලකිලිමත් වන්න.

2020 නව වසර සඳහා ඔබගේ ලග්න පලාපල

අරමුණු ජය ගැනීම උදෙසා ධෛර්යය ලැබෙන ජයග්‍රාහී වසරක් වේවා!

ඔබට පැවති අවහිරතා, බාධා බොහෝමයක්ම දුරු වී දියුණුව උදා කරන වාසනාවන්ත වසරකි. අධ්‍යයන කටයුතු තුළින් මෙම වසරේදී සාර්ථක ප්‍රතිඵල උදා කරගත හැකි වේ. මුදල් ලැබීම් අතින් සතුටුදායක ආර්ථිකමය වශයෙන් දියුණුවක් පෙන්නුම් කරන මේ වසරේ රැකියා කටයුතු තුළින් නම් බලාපොරොත්තු විය හැක්කේ සාමාන්‍ය තත්ත්වයකි. විදෙස්ගත වීම උදෙසා උත්සාහ කළද මෙතෙක් කටයුතු සාර්ථක නොවූ අයගේ එම බලාපොරොත්තු ඉටු වනු ඇත. උත්පත්ති කේන්දරයේ සෙනසුරු බලවත්ව පිහිටා ඇති අයට මංගල යෝග මෙම වසරේ යෙදන අතර සෙනසුරු දුබල අයට මෙම වසරේදී විවාහ කටයුතු පමා වනු ඇත. වාත රෝග තත්ත්වයන් ඇති විය හැකි බැවින් ඒ ගැන සැලකිලිමත් වන්න.

ජය අංකය : 2
ජය වර්ණය : සුදු

රවි ග්‍රහයාගේ කුම්භ රාශි ප්‍රවිෂ්ට වීම කටක ලග්නයට (Kataka Lagnaya) බලපාන අයුරු :

අන් අයගේ වැරදි ඔබ මතින් පිටව යා හැක. ඒ නිසා ගෘහ ජීවිතයේ කටයුතු සම්බන්ධයෙනුත්, රැකියා ජීවිතයේ කටයුතු සම්බන්ධයෙනුත් ඔබ පරික්ෂාකාරී වන්න. ලඟම හිතවතෙකු ඔබ හා අමනාප විය හැකි බව පෙන්නුම් කරන නිසා සමාජ ඇසුරේදී පරිස්සම් වන්න.

අතීත පලාඵල

වෙනත් ලග්න

මේෂ-Aries
වෘෂභ-Taurus
මිථුන-Gemini
කටක-Cancer
සිංහ-Leo
කන්‍යා-Virgo
තුලා-Libra
වෘශ්චික-Scorpio
ධනු-Sagittarius
මකර-Capricorn
කුම්භ-Aquarius
මීන-Pisces